Урад Беларусі, відавочна, збіраецца ўвесці ліцэнзаванне на вываз бульбы за межы краіны. Адпаведную пастанову Саўміна зарэгістравалі на Нацыянальным прававым інтэрнэт-партале, заўважыла выданне Reform. Нагадаем, у кастрычніку ўлады ўвялі абмежаванні на вываз з краіны белакачаннай капусты, яблыкаў і рэпчатай цыбулі.
Дзяржаўныя СМІ і ў Мінсельгасхарчы раней заяўлялі, што сабранага ўраджаю бульбы сёлета будзе дастаткова для задавальнення патрэбаў унутранага рынку, а таксама для экспарту, у першую чаргу ў Расію. Хоць, паводле звестак статыстыкі, ураджай у 2024-м меншы, чым летась. У дзяржСМІ таксама папракалі «змагароў» (так прапаганда называе тых, хто не згодны з тым, што адбываецца ў краіне), што нагнятаюць і перабольшваюць сітуацыю з бульбай.
Фермеры папярэджвалі, што ў Беларусі могуць узнікнуць перабоі з бульбай. Прадстаўнікі сельскай гаспадаркі кажуць, што яе вырошчванне стала стратным праз стрымліванне цэн. У выніку некаторыя гаспадаркі зменшылі плошчы пад пасадку бульбы, што ў выніку можа прывесці да дэфіцыту. Праз пастанову № 713, якой дзяржава рэгулюе цэны, некаторыя фермеры зменшылі плошчы пад пасадку бульбы, аддаўшы іх пад больш рэнтабельныя культуры. Напрыклад, у Гродзенскай вобласці гэтыя палі зменшыліся на 20%. А ў наступным годзе некаторыя аграрыі наогул гатовыя пачаць адмаўляцца ад гэтай культуры.
Чытайце таксама
