Улады паднялі памер сямейнага капіталу — да 31 480 рублёў. Гэта на 5,1%, або на 1530 рублёў, больш, чым у 2023-м. Пра гэта паведамляе Мінпрацы.
У такім памеры сямейны капітал прызначаецца сем’ям пры нараджэнні (усынаўленні, удачарэнні) трэцяга або наступных дзяцей у перыяд з 1 студзеня да 31 снежня гэтага года.
Нагадаем, з 2015 да 2019 года сямейны капітал прызначалі ў далярах, ён складаў 10 тысяч. З 2020 года капітал прызначаюць у нацыянальнай валюце.
Раней чыноўнікі ўвялі абмежаванні што да выдаткоўвання сямейнага капіталу. Да прыкладу, у лістападзе мінулага года ўвялі дадатковыя патрабаванні па датэрміновым расходаванні гэтых грошай на медпаслугі. Сямейны капітал таксама трапіў пад абмежаванні, якія чыноўнікі ўвялі па аформленых за мяжой даверанасцях, — па іх не выйдзе атрымаць сямейны капітал і датэрмінова ім распарадзіцца.
Чытайце таксама
